බොහෝ දෙනෙකුගේ අදහස බයිබලය ‘පුරාතන ග්‍රන්ථයක්’ පමණක් බවයි. එනමුත් බයිබලය වර්තමානයට පමණක් නොව ඉදිරි අවුරුදු 1000 පිළිබඳවද පෙන්නුම්කර දෙමින්, ඉන් ඔබ්බට “මුහුදක් නැති අලුත් පෘතුවියක වසන්නන්” පිළිබඳවද පෙන්නුම් කරයි. තවද ශුද්ධ ලියවිලි ලෙස නොසැලකුවත්, පුරාතනයේ විසූ සමහර ධර්මිෂ්ඨ මිනිසුන් විසින් ලියා ඇති අනෙකුත් පොත් වලද, අනාගතය පිළිබඳ සඳහන් කර ඇති දේ, බයිබලයේ අනාවැකි තහවුරුකරයි.

ජර්මන් දාර්ශනික ජෝර්ජ් හෙගෙල් මෙසේ පවසා ඇත. “මිනිසා ඉතිහාසයෙන් ඉගෙන නොගන්නා හෙයින්, ඉතිහාසය නැවත නැවතත් සිදුවේ”.

බයිබලයේ දේශනාකාරයා පොතේ 1:9 හි මෙලෙස සඳහන් වේ. “මතු ඇතිවන්නේ තිබුනාවූ දේමය. වෙන්නට යන්නේ වුනාවූ දේමය”.

මෙවැනි ප්‍රකාශණ හේතුකොටගෙන, අනාගත සිද්ධීන් පිළිබඳව ‘යම් වැටහීමක්’ වුවත් ලබා ගැනීම සඳහා ඉතිහාසයේ සිදුවුන දේ පිළිබඳවද අවබෝධයක් අවශ්‍ය බව මනාව පෙන්නුම් කෙරේ.

එහෙයින් මෙම වෙබ් අඩවිය අංශ දෙකකට බෙදනු ලැබේ.

1. “මොනවා වුනාද?” යන්නෙන් අදාල ඉතිහාසගත සිද්ධීන් පෙන්නුම් කරදීම.
2. “මොනවා වේවිද?” නැමැති අංශයේ, බයිබලයේ සහ ඉහත සඳහන් කල අනෙකුත් පුරාතන ග්‍රන්ථයන් වල සඳහන්ව ඇති යම් ප්‍රකාශණද උපුටා දක්වමින්, ‘විමසිලිමත්ව සිටින අය’ උදෙසා, අනාගතය පිළිබඳව යම් පිංතූරයක් පෙන්නුම් කරදීම.

යෙසායා 46:10 හි “මම වනාහී අන්තිමයෙන් මුලද, සිදු නොවුන දේ පුරාතනයෙන්ද දන්වන්නෙමි” යැයි සර්වබලධාරී දෙවිඳුන් ප්‍රකාශ කරන සේක.

එලෙසම මෙම වෙබ් අඩවියේ සඳහන් බොහොමයක් දේ බයිබලය ආශ්‍රිත හෙයින්, මෙය “මෙනවා වේවිද?” ලෙස නම් කර “මොනවා වුනාදැයි?” ඉතිහාසයෙන්ද ගෙන දැක්වීම යෝග්‍ය යැයි සිතුවෙමි.